Bernharð Haraldsson

Í dag fór fram útför Bernharðs Haraldssonar í Akureyrkirkju, fyrsta skólameistara Verkmenntaskólans á Akureyri. Margar minningar vakna um góðan dreng og skólamann. Bernharð var heiðarlegur og sanngjarn stjórnandi, hann treysti sínu samstarfsfólki og það treysti honum. Slíkt er ómetanlegt.

 

Í skólasögu Akureyrar var það afar merkilegur áfangi þegar hann og Sverrir Pálsson kveiktu kyndilinn um nýjan framhaldsskóla á Akureyri. Það kom í hlut Bernharðs að leiða það mikilvæga mál til enda, skipuleggja og stýra þessari nýju menntastofnun sem hann gerði af miklum metnaði.

 

Við hjónin minnumst Bernharðs með mikilli væntumþykju og sendum fjölskyldu hans og aðstandendum innilegar samúðarkveðjur.