Jóhann Árelíuz

Blómabíllinn, Pissubíllinn

Jóhann Árelíuz skrifar 21. september 2025 | kl. 06:00

EYRARPÚKINN - 57

Það er sami Sjevrólettinn sem er Blómabíll og Pissubíll.

Hlaupum við krakkarnir syngjandi á eftir Blómabílnum á Sumardaginn fyrsta og Seytjánda júní þegar bíllinn ekur borðaskreyttur um götur Eyrinnar með fjólublá blómin gul og rauð á palli og flautar við og við.

Á eftir Pissubílnum hjólum við púkar eins lengi og buna endist á tanki og er unun að sjá vatnið sturtast á rykið því þá skín sól í heiði og skrönsum við og bremsum í hálli bleytunni.

Og stundum hlaupum við undir fossinn aftan úr vörubílnum bláa.

Jóhann Árelíuz er rithöfundur og skáld.

Blómabíllinn, Pissubíllinn er kafli úr Eyrarpúkanum, gáskafullu skáldverki sem gerist á Eyrinni á Akureyri um miðja síðustu öld. Bókin kom út 2003.

Kaflar úr Eyrarpúkanum, bók Jóhanns sem kom út 2003.