Fara í efni
Gervigreind

Hekla Björt leiðir gesti í huglæg hús

Hekla Björt Helgadóttir. Mynd: aðsend

Boðið verður upp á gjörning Heklu Bjartar Helgadóttur í Listasafninu á Akureyri á morgun, laugardaginn 12. júlí kl. 15, í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri.

Fram kemur, í fréttatilkynningu frá Listasafninu, að í gjörningnum, sem ber heitið Höfuðið hús, snertir Hekla Björt á sambandi húsa og sála og hvernig manneskjan myndar tengsl við steypu, fjalir og húsmuni á persónulegan hátt. Hún leiðir gesti inn í huglæg hús og víkkar þannig út rými áhorfenda. Gjörningurinn tengist verkum Heklu, Eyðibýli, með beinum hætti en þau tilheyra fyrrnefndri sýningu norðlenskra listamanna, Mitt rými, sem nú er yfirstandandi á Listasafninu.

 

Skyggnst inn um glugga á verki Heklu Bjartar 'Eyðibýli' á samsýningu norðlenskra listamanna á Listasafninu. Mynd: RH

Hekla Björt Helgadóttir vinnur jöfnum höndum sem myndlistarmaður og skáld. Verk hennar eru einlæg, hnyttin og draumkennd og oft undir sterkum áhrifum frá gjörningalist og leikhúsi. Hekla hefur sett upp einkasýningar og tekið þátt í fjölmörgum samsýningum og gjörningaviðburðum. Einnig er hún einn af stofnendum og starfrækjendum listahópsins Kaktuss á Akureyri.

Ekki „gervigreind“ heldur upplýsingaverksmiðjur

Magnús Smári Smárason skrifar
12. ágúst 2025 | kl. 14:30

Með tæknina mér við hlið: Hlutverk gervigreindar í skólastarfi

Ástrós Guðmundsdóttir skrifar
07. janúar 2025 | kl. 17:30

Aðventa

Magnús Smári Smárason skrifar
10. desember 2024 | kl. 16:16

Magnús verkefnastjóri í gervigreind við HA

Skapti Hallgrímsson skrifar
03. desember 2024 | kl. 15:40

Stafræn ragnarök: Opinberun nýrra tíma

Magnús Smári Smárason skrifar
19. nóvember 2024 | kl. 17:30

Lýðræði á tímum gervigreindar

Magnús Smári Smárason skrifar
30. október 2024 | kl. 11:45