Umræðan

Víðförul skytta gengur til liðs Þórsara

Skapti Hallgrímsson skrifar 26. ágúst 2025 | kl. 21:00

Handboltamaðurinn Igor Chiseliov, 33 ára rétthent skytta frá Moldóvu, er genginn til liðs við Þór. Igor lék síðast með liði Radovis í Norður-Makedóníu.

„Hann hefur spilað í ófáum löndum og er afar reyndur leikmaður,“ segir í tilkynningu frá Þórsurum í kvöld, og ekki er ofsagt að Chiseliov sé víðförull; hann hefur á síðustu árum leikið í Ísrael, Rússlandi, Tyrklandi, Íran, Indlandi, Kósóvó, Finnlandi og síðast í Norður-Makedóníu sem fyrr segir.

„Við bindum miklar vonir til nýjustu viðbót liðsins og erum spenntir að sjá hann á vellinum í vetur,“ segir í tilkynningu

Olísdeildin, efst deild Íslandsmótsins í handbolta, hefst eftir tæpar tvær vikur. Fyrsti leikur Þórsara verður í Höllinni föstudaginn 5. september þegar ÍR-ingar koma í heimsókn.

Til baka í umræðuna