Fara í efni
Umræðan

Þríþrautaráskorun nemenda í 7. bekk

Lið Naustaskóla. Mynd: akureyri.is.

Um 80 nemendur í 7. bekk Giljaskóla, Glerárskóla, Lundarskóla, Naustaskóla og Síðuskóla tóku í liðinni viku þátt í þríþrautaráskorun sem Akureyrarbær stóð fyrir í samstarfi við Þríþrautarsamband Íslands. Hefðbundin þríþraut samanstendur af sundi, hjólreiðum og hlaupi. Nemendur gátu valið á milli þess að taka einstaklingsárskorun eða liðaáskorun með þremur í liði þar sem hver liðsmaður tók eina grein, einn synti, annar hjólaði og sá þriðji hljóp. 

Ragnar Guðmundsson, verkefnastjóri ungmenna hjá Þríþrautarsambandi Íslands, skipulagði áskorunina í samvinnu við íþróttakennara grunnskólanna og fræðslu- og lýðheilsusvið Akureyrarbæjar. Undirbúningurinn hófst haustið 2023.


Lið Giljaskóla í þríþrautarkeppninni. Mynd: akureyri.is.

Fram kemur í frétt af verkefninu á vef Akureyrarbæjar að aðstæður til þríþrautar hafi verið mjög góðar. Synt var í Glerárlaug í góðri samvinnu við starfsfólk sundlaugarinnar og hjóla- og hlaupaleið var útfærð í skemmtilegu umhverfi Glerárskóla þar sem nemendur komu í mark á Þórsvellinum. Allir þátttakendur sýndu mikinn metnað og kláruðu þrautirnar með miklum sóma með góðum stuðningi samnemenda sinna. Að keppni lokinni fengu þátttakendur afhent viðurkenningarskjal frá Þríþrautarsambandi Íslands.

Þá er einnig sagt frá því að þríþrautardeild UFA, Norðurljósin, vinni að því að setja upp ungmennaþjálfun á næsta skólaári og eru áhugasamir hvattir til að kynna sér það frekar - sjá hér.


Lið Síðuskóla í þríþrautarkeppninni. Mynd: akureyri.is.

Áskorun vegna breytinga á geðþjónustu

Stjórn Geðverndarfélags Akureyrar skrifar
10. júlí 2024 | kl. 18:08

Nýja viðbyggingin við SAk

Hjörleifur Hallgríms Herbertsson skrifar
10. júlí 2024 | kl. 17:45

KS og Kjarnafæði Norðlenska

Gísli Sigurgeirsson skrifar
09. júlí 2024 | kl. 14:05

Ályktun Geðhjálpar vegna breytinga á þjónustu

Stjórn Geðhjálpar skrifar
06. júlí 2024 | kl. 06:00

Yfirlýsing varðandi breytingar á leikskólagjöldum

Anna Júlíusdóttir skrifar
05. júlí 2024 | kl. 11:45

Opið bréf til forseta Íslands

Ólafur Þór Ævarsson skrifar
04. júlí 2024 | kl. 11:00