Þórsarar taka á móti Skallagrími í kvöld

Karlalið Þórs í körfuknattleik tekur á móti liði Skallagríms í fimmtu umferð 1. deildar í Íþróttahöllinni í kvöld kl. 19:15.

Þessi lið mættust í spennandi einvígi í fyrstu umferð úrslitakeppni 1. deildarinnar síðastliðið vor og höfðu Þórsarar þá betur í oddaleik, 3-2. Gengi liðanna hefur hins vegar verið misjafnt það sem af er yfirstandandi keppnistímabili og líklega verra hjá báðum en vonir stóðu til. Skallagrímur er um miðja deild, hefur unnið tvo leiki af fjórum. Þórsarar sitja aftur á móti einir á botninum, án sigurs í fyrstu fjórum leikjunum.

Staðan í deildinni