Umræðan

Sögubrot ÚA – sýning sett upp við Glerártorg

Skapti Hallgrímsson skrifar 20. júní 2025 | kl. 10:10

Ljósmyndasýningin „Útgerðarfélag Akureyringa 80 ára (1945 - 2025) – Sögubrot í myndum“ hefur verið sett upp við verslunarmiðstöðina Glerártorg á Akureyri og mun standa þar um tíma. Sýningin var fyrir utan við höfuðstöðvar ÚA þegar 80 ára afmæli félagsins var fagnað á dögunum en fleirum en sáu þá gefst nú tækifæri til þess að kynna sér stórmerkilega sögu Útgerðarfélagsins.

„Sýningin varpar ljósi á sögu félagsins í 80 ár. Auglýsingastofan Geimstofan á Akureyri sá um grafíska hönnun sýningarinnar. Hörður Geirsson hjá Minjasafninu á Akureyri var ráðgjafi við öflun og val á myndum,“ segir á Facebook síðu Samherja.