Söfnuðu 7.386 krónum til mannúðarstarfs

Vinkonurnar Karen Helga, Arnheiður Lilja og Edda stóðu fyrir tombólu til styrktar Rauða krossinum. Þetta er fyrsta tombóla þeirra en þær höfðu heyrt af slíku framtaki frá öðrum vinkonum sínum. Þær fengu aðstoð foreldra við að undirbúa tombóluna enda margt að læra þegar svona viðburður er haldinn í fyrsta sinn en þær sögðu verkefnastjóra Rauða krossins sem tók við framlaginu að þær væru spenntar fyrir að endurtaka leikinn.

Alls söfnuðu þær 7.386 krónum sem renna til mannúðarstarfs Rauða krossins. Við þökkum þeim kærlega fyrir framlag sitt

Tilkynning frá Rauða krossinum