Fara í efni
Umræðan

Mikil vonbrigði – eitt stig eftir tvo leiki

Ívar Örn Arnarson sækir boltann eftir að FH-ingar gerðu þriðja markið - sigurmarkið í dag. Kjartan Kári Halldórsson skaut utan teigs og Kristijan Jajalo markvörður var ekki vel á verði. Mynd: Skapti Hallgrímsson

KA tapaði 3:2 fyrir FH í dag á heimavelli í Bestu deildinni, efstu deild Íslandsmótsins í knattspyrnu. Uppskeran er því rýr það sem af er; KA er aðeins með eitt stig af sex mögulegum eftir tvo fyrstu leikina, báða á heimavelli.

FH-ingar komust í 2:0 með mörkum Vuk Oskar Dimitrijevic úr víti á 19. mín. og Sigurðar Bjarts Hallssonar á 26. mín. Ásgeir Sigurgeirsson minnkaði muninn á 35. mín. og staðan var 2:1 í hálfleik.

Bjarni Aðalsteinsson jafnaði fyrir KA þegar aðeins sex mín. voru liðnar af seinni hálfleik en það dugði ekki til að hleypa enn frekara lífi í KA-strákana heldur voru það gestirnir sem skoruðu næst og reyndist það sigurmark leiksins. Það var sex mín. eftir að Bjarni jafnaði sem Kjartan Kári Halldórsson skaut utan teigs og boltinn fór í netið, út við stöng vinstra megin. 

Næsti leikur KA er einnig á heimavelli; nýliðar Vestra frá Ísafirði koma í heimsókn um næstu helgi.

Smellið hér til að sjá leikskýrsluna.

Nánar síðar

Sókn Landsnets gegn hagsmunum Akureyringa

Ólafur Kjartansson skrifar
17. maí 2024 | kl. 12:00

Um raflínur og tryggingafélög

Inga Sigrún Atladóttir skrifar
15. maí 2024 | kl. 08:50

Fjórða læknaferðin endurgreidd

Líneik Anna Sævarsdóttir skrifar
14. maí 2024 | kl. 17:00

Búum til börn

Ingibjörg Isaksen skrifar
12. maí 2024 | kl. 06:00

Akureyrarklíníkin

Friðbjörn Sigurðsson skrifar
11. maí 2024 | kl. 14:00

Blöndulína 3, jarðstrengsumræðan og framtíðin

Steinunn Þorsteinsdóttir skrifar
30. apríl 2024 | kl. 10:10