Lítið dæmi um afgreiðsluhraða hjá bæjarkerfinu
![](/static/news/lg/1697285166_jon-ingi-2023.jpg)
Það hefur stundum verið rætt um afgreiðsluhraða í bæjarkerfinu. Hér er lítil saga um einfalt mál sem bæjarráð fól umhverfis og mannvirkjaráði að gera í aprílmánuði. Málið var tekið fyrir í ráðinu í júní og enn er það frosið einversstaðar á skrifborði í ráðhúsinu. Mál sem fór frá bæjarráði í apríl 2023 til umhverfis- og mannvirkjaráðs og þar tekið á dagskrá í júní er fast og og staða þess síðan í júní 2023 er að forstöðumanni umhverfis- og sorpmála er falið að ræða við umsjónarmann Kisukots. Nú hálfu ári síðar hefur ekki verið lokið því erindi sem bæjarráð fól umhverfis- og mannvirkjaráði.
Þetta er langt frá því ásættanleg stjórnsýsla og vekur furðu hversu hægagangurinn er mikill í jafn einföldu máli. Er stjórnsýsla Akureyar ásættanleg í þessu ljósi og ýmissa annarra sem mættir ræða síðar?
Hér að neðan er saga þess litla máls sem fraus fast í kerfinu.
Bæjarráð. 24. apríl 2023 kl. 10:00 - 11:56
Áskorun til bæjarstjórnar að styðja við Kisukot
Erindi dagsett 12. apríl 2023 frá Rósu Líf Darradóttur f.h. stjórnar Samtaka um dýravelferð á Íslandi sem skorar á bæjarstjórn að styðja við starfsemi Kisukots.
Pétur Ingi Haraldsson skipulagsfulltrúi og Rut Jónsdóttir forstöðumaður umhverfis- og sorpmála sátu fundinn undir þessum lið.
Bæjarráð vísar umræðu um málið til umhverfis- og mannvirkjaráðs.
20. júní 2023 kl. 08:15 - 11:39 Fundarherbergi UMSA
Áskorun til bæjarstjórnar að styðja við Kisukot
Liður 3 í fundargerð bæjarráðs dagsettri 24. apríl 2023:
Erindi dagsett 12. apríl 2023 frá Rósu Líf Darradóttur f.h. stjórnar Samtaka um dýravelferð á Íslandi sem skorar á bæjarstjórn að styðja við starfsemi Kisukots.
Pétur Ingi Haraldsson skipulagsfulltrúi og Rut Jónsdóttir forstöðumaður umhverfis- og sorpmála sátu fundinn undir þessum lið.
Bæjarráð vísar umræðu um málið til umhverfis- og mannvirkjaráðs.
Lagt fram minnisblað dagsett 15. júní 2023 varðandi áskorun til bæjarstjórnar um að styðja við Kisukot.
Rut Jónsdóttir forstöðumaður umhverfis- og sorpdeildar sat fundinn undir þessum lið.
Umhverfis- og mannvirkjaráð felur forstöðumanni umhverfis- og sorpmála að ræða við umsjónarmann Kisukots um mögulegt samstarf í samræmi við umræður á fundinum.
Vekur sannarlega undrun.
Jón Ingi Cæsarsson er áhugamaður um bæjarmál.
![](/static/news/xs/1724963156_jon-ingi-2023.jpg)
![](/static/news/xs/1724958855_hjortur-j-gudmundsson.jpg)
Tala eingöngu um vextina
![](/static/news/xs/1724874211_sindri-kristjansson.jpg)
Grunnskólarnir okkar allra
![](/static/news/xs/merki-ak.jpg)
Akureyrarbær gerir vel við barnafólk og tekjulágar fjölskyldur
![](/static/news/xs/albertina_bw.jpg)
Viltu úthluta milljarði?
![](/static/news/xs/1724436246_hjortur-j-gudmundsson.jpg)