KA á enn von um sæti í úrslitakeppninni

Karlalið KA í handknattleik mætir liði Stjörnunnar í Garðabænum í dag kl. 16 í 19. umferð efstu deildar karla, Olísdeildarinnar. 

KA heldur enn í vonina að komast í úrslitakeppni Olísdeildar karla í handknattleik, en liðið er nú í 9. sætinu með 13 stig, þremur stigum á eftir HK sem er í 8. sætinu. KA á nú þrjá leiki eftir, en HK tvo. Sigur í dag myndi ekki aðeins halda von liðsins um að komast í úrslitakeppnina á lífi heldur myndu stigin tvö að auki tryggja endanlega áframhaldandi veru KA í efstu deild.

• Olísdeild karla í handknattleik
  Hekluhöllin í Garðabæ kl. 16
  Stjarnan - KA

Leikir sem liðin í 8.-12. sæti eiga eftir:

• HK: Valur (h), ÍBV (ú).
• KA: Stjarnan (ú), FH (h), Fjölnir (ú).
• ÍR: Stjarnan (h), FH (ú).
• Grótta: Haukar (ú), Afturelding (h),
• Fjölnir: Afturelding (ú), KA (h)