Fara í efni
Umræðan

Jólakvöld séra Svavars Alfreðs

Mynd: Svavar Alfreð Jónsson

Séra Svavar Alfreð Jónsson skrifar reglulega pistla fyrir Akureyri.net – gjarnan í léttum dúr, enda mikill húmoristi. Að þessu sinni er pistill hans á öðrum nótum og í bundnu máli. 
_ _ _ _

Jólakvöld 

þitt hjarta saknar blessunar og birtu
og brjóst þitt fyllir sálin doðaköld
en kulnuð glóðin yl þér veitir aftur
því ástin finnur leið til þín í kvöld

þótt heimsins böli verði flest að vopni
og varmenni sig skrái á söguspjöld
mun bátur þinn á værum vogi sigla
því vonin finnur leið til þín í kvöld

við fljótsins harða straum þú nemur staðar
hin ströngu lögmál taka af þér völd
þú yfir kemst og treystir tæpu vaði
því trúin finnur leið til þín í kvöld

Svavar Alfreð Jónsson er sjúkrahúsprestur

Ingvexit?: Þegar þingmenn gleyma kjósendum sínum

Axel Björnsson skrifar
18. nóvember 2026 | kl. 11:45

Við eigum að vera við stýrið!

Svava Björk Ólafsdóttir skrifar
18. nóvember 2026 | kl. 11:15

Erum við ekki í sama liði?

Þorleifur Ananíasson skrifar
16. nóvember 2026 | kl. 06:00

Tíu milljarða halli

Njáll Trausti Friðbertsson skrifar
15. nóvember 2026 | kl. 11:45

Tenerife í stað Kaupmannahafnar – eru áherslurnar réttar?

Þórhallur Jónsson skrifar
10. nóvember 2026 | kl. 15:45

Icelandair ætti að horfa norður

Birgir Orri Ásgrímsson skrifar
09. nóvember 2026 | kl. 19:30