Fara í efni
Umræðan

Inga Sæland segir ásakanir trúverðugar

Forystufólk Flokks fólksins á Akureyri. Frá vinstri: Tinna Guðmundsdóttir, Jón Hjaltason, Brynjólfur Ingvarsson, Málfríður Þórðardóttir og Hannesína Scheving.

Inga Sæland, formaður Flokks fólksins, segir ásakanir kvenna í flokknum á Akureyri í garð karla þar á bæ trúverðugar. Þetta kom fram í kvöldfréttum RÚV þar sem talað var við Ingu í beinni útsendingu, meðan á fundi aðalstjórnar flokksins stóð.

Konurnar sem skipuðu annað, fjórða og fimmta sæti á lista flokksins segjast hafa verið lítilsvirtar og hunsaðar af ónefndri karlaforystu og aðstoðarmönnum þeirra.

Jón Hjaltason, sem var í þriðja sæti á lista flokksins við bæjarstjórnarkosningarnar í vor, segir karlana ætla að fara fram á lögreglurannsókn á ásökunum. Þótt þeir séu ekki nefndir á nafn megi lesa á milli línanna að átt sé við hann og Brynjólf Ingvarsson, oddvita flokksins. Inga segir þó aðspurð að ekki sé bara um þá að ræða. „Nei, það eru ekki bara þeir, alls ekki. Þetta er miklu meira en svo,“ sagði hún.

Inga Sæland segir alla í stjórn flokksins sorgmædda og harmi slegna yfir frásögnum kvenna sem skipuðu sæti á lista flokksins í bæjarstjórnarkosningunum á Akureyri í vor. Hún segir niðurstöðu ekki fást í málið í kvöld; það sé mjög yfirgripsmikið og „við erum með gríðarlegt magn af alls konar tölvupóstsendingum og furðulegheitum sem á eftir að fara yfir,“ sagði formaðurinn.

Frétt Akureyri.net um málið fyrr í dag: „Sagðar of vitlausar eða jafnvel geðveikar“

Smellið hér til að horfa á frétt RÚV

Ofbeldi á aldrei rétt á sér

Kristín Snorradóttir skrifar
05. desember 2023 | kl. 21:00

Þú ert ekki leiðinlegt foreldri!

Skúli Bragi Geirdal skrifar
05. desember 2023 | kl. 19:00

Símafriður í grunnskólum – Eigum við að taka skrefið?

Heimir Örn Árnason og Gunnar Már Gunnarsson skrifa
05. desember 2023 | kl. 11:15

Hvert er sveitarfélagið að stefna?

Sunna Hlín Jóhannesdóttir skrifar
04. desember 2023 | kl. 11:55

Fyrsti þjónustusamningur Akureyrarbæjar við Grófina geðrækt!

Jana Salóme Ingibjargar Jósepsdóttir skrifar
22. nóvember 2023 | kl. 15:45

Sammála en þó á móti

Jón Hjaltason skrifar
20. nóvember 2023 | kl. 17:40