Fara í efni
Umræðan

Fjaðrafok um fjárveitingu

Eftir margítrekaðar beiðnir frá þeirri ágætu konu Maríu Björk Ingvadóttur framkvæmdastjóra N4 um aukinn fjárstuðning frá því opinbera til stöðvarinnar en án árangurs sendi hún beiðni til formanns fjárlaganefndar Alþingis, Bjarkeyjar Ólsen um meiri fjárstuðning og fékk áheyrn þar sem hún og aðrir nefndarmenn töldu að það væri full þörf á að styðja við dreifbýlismiðlana en talað er um 100 milljónir. Vonandi nýtur sá góði drengur Skapti Hallgrímsson góðs af þessari fjárveitingu en hann rekur miðilinn Akureyri.net við góðan orðstír en sá miðill hefur komist upp í að vera með á milli 50 og 60 þús. „einstaka gesti“ á mánuði (hver aðeins talinn einu sinni þótt hann lesi vefinn miklu oftar) og telst það afbragðsgott.

En nú varð allt vitlaust í jólamánuðinum. Óprútnir Alþingismenn með í fararbroddi Sigmar Guðmundsson fyrrv. starfsmann RÚV ekki óumdeildan hafði hvað hæst en hafði ekki manndóm í sér að minnast á að RÚV er talið brenna 110 milljónum króna af skattfé í hverri einustu viku. En fleiri lögðu ófræingarherferðinni lið og var Fréttablaðið þar ekki undanskilið, sem birti hverja neikvæðu áróðursgreinina á fætur annarri gegn væntanlegri fjárveitingu en steininn tók þó úr þegar aðalritstjórinn (Sigmundur Ernir) Akureyringurinn fæddur hér og uppalinn blandaði sér í illdeilurnar með grein í Fréttablaðinu undir fyrirsögninni „FJÁRLAGASUKK“ hvorki meira né minna og finnur því allt til foráttu að fjölmiðlar í hans heimabæ séu styrktir fjárhagslega rétt einsog það fyrirtæki, sem hann vinnur hjá. Í þessu tilfelli tel ég við hæfi að snúa við gömlu máltæki og segi að nú fellur eplið óralangt frá eikinni því hann á föður hér á Akureyri og aðra ættingja allt afburða gott fólk og þetta segi ég af því ég þekki þarna vel til sjálfur.

Hjörleifur Hallgríms er varabæjarfulltrúi á Akureyri

Meirihluti Akureyringa án heimilislæknis

Björn Valur Gíslason skrifar
29. febrúar 2024 | kl. 17:30

Háskólinn á Akureyri

Jón Bjarnason skrifar
20. febrúar 2024 | kl. 20:00

Ákall til bæjarstjórnar Akureyrarbæjar

Olga Ásrún Stefánsdóttir skrifar
16. febrúar 2024 | kl. 12:50

Aukið ofbeldi á Norðurlandi eystra

Kristín Snorradóttir skrifar
15. febrúar 2024 | kl. 12:12

Sum börn fá að lifa. Önnur ekki

Alfa Jóhannsdóttir skrifar
10. febrúar 2024 | kl. 16:50

Af hverju eru deilur um skipulagsmál á Akureyri?

Jón Ingi Cæsarsson skrifar
10. febrúar 2024 | kl. 10:30