Umræðan

„Fagur fiskur úr sjó“ á Iðnaðarsafninu

Skapti Hallgrímsson skrifar 01. júní 2025 | kl. 19:00

Tveir stofnenda Samherja við opnun sýningarinnar í dag, frændurnir Þorsteinn Már Baldvinsson forstjóri, lengst til vinstri, og Þorsteinn Vilhelmsson, sem bendir á eitthvað mjög áhugavert að því er virðist. Hann var skipstjóri á Akureyrinni - fyrsta skipi Samherja. Skapti Hallgrímsson

Sýningin „Fagur fiskur úr sjó“ var opnuð í Iðnaðarsafninu í dag, í tilefni 80 ára afmælis Útgerðarfélags Akureyringa. Þar er saga ÚA sögð með ljósmyndum, kvikmyndum og munum.

Óhætt er að hvetja fólk til þess að bregða sér á Iðnaðarsafnið því sýningin er bæði afar fróðleg og skemmtileg. Gestir í dag höfðu augljóslega ekki síst gaman að því að skoða gamlar ljósmyndir – enda fátt sem gleður meira en það, að margra mati.

Sýningin markar upphaf að söfnun á sögum og minningum þeirra sem störfuðu hjá ÚA, að sögn forráðamanna félagsins og Iðnaðarsafnsins. ÚA hefur verið í eigu Samherja síðan 2011.

Meira síðar

Til baka í umræðuna