Bikarinn: KA-Fram og Grótta-KA/Þór

Í hádeginu í dag var dregið í 8-liða úrslit bikarkeppni kvenna og karla í handknattleik. KA/Þór fer á Seltjarnarnes og leikur gegn Gróttu en KA fær ríkjandi bikarmeistara Framara í heimsókn.

Í kvennaflokki voru 5 úrvalsdeildarlið í pottinum og lið FH, Gróttu og Víkings úr næstefstu deild. KA/Þór mætir Gróttustúlkum og fer leikurinn fram á heimavelli Gróttu. 

Allir leikirnir í 8-liða úrslitum Powerade bikarkeppni kvenna:

• FH - Valur
• Grótta - KA/Þór
• Víkingur - Haukar
• Fram - ÍR

Leikirnir fara fram dagana 3. og 4. febrúar á næsta ári.

KA dróst gegn bikarmeisturunum

Hjá körlunum voru sjö úrvalsdeildarlið í pottinum og lið Fjölnis úr næstefstu deild. Strákarnir úr KA fengu ekki auðveldasta mótherjann en þeir drógust gegn ríkjandi bikarmeisturum Fram. Leikurinn fer fram í KA-heimilinu.

Allir leikirnir í 8-liða úrslitum Powerade bikarkeppni karla:

• Afturelding - FH
• KA - Fram
• HK - Haukar
• Fjölnir - ÍR

Leikirnir fara fram dagana 19. og 20 desember nk.