Almenningssamgöngur við flugvelli

Það er auðvitað yfirleitt þannig annars staðar að fólk þarf að borga fyrir bílastæði við flugvelli - bæði til að greiða fyrir kostnað af þeim og til að það verði ekki bílastæðaskortur vegna langtímalagningar.

 

EN: Það eru líka yfirleitt þannig að það séu greiðar almenningssamgöngur við flugvelli og RAUNVERULEGT VAL að koma á flugvöllinn á bíl eða skilja hann eftir heima.

 

Það er alveg nógu önugt á stöðum eins og Akureyri að strætó skuli ekki ganga út á flugvöll (ótrúlegt en satt), en alveg glatað fyrir þau sem koma lengra að og hreinlega verða að vera á bíl til að komast í flug og geyma hann einhver staðar þar til þau koma heim.

 

Væri ekki tilvalið að nota þetta tækifæri til að ræða heildstæðar almenningssamgöngur við alla flugvelli landsins?

 

Landsbyggðastrætóarnir ættu AUÐVITAÐ að tengja öll byggðarlög á áhrifasvæðum innanlandsvallanna í takt við flugáætlanir.

 

Það ætti líka AUÐVITAÐ að vera strætó sem gengur milli Keflavíkurflugvallar og Reykjavíkurflugvallar.

 

Þegar þetta væri komið í lag væri miklu minna mál að þau sem kjósa að fara á einkabíl á flugvöllinn greiði fyrir það, ekki satt?