Fara í efni
Pistlar

Ögurstund í Höllinni – sigur eða sumarfrí!

Jason Gigliotti reynir að verja skot Darius Banks í leik Þórs og Skallagríms á Akureyri fyrir skömmu. Mikið mun á Þórsurunum þremur á myndinni í kvöld, Jason, Reyni Róbertssyni og Harrison Butler. Mynd: Skapti Hallgrímsson

Komið er að ögurstundu í einvígi Þórs og Skallagríms um hvort liðið mætir ÍR í undanúrslitum úrslitakeppninnar um sæti í efstu deild Íslandsmóts karla í körfubolta næsta vetur.

  • Fimmti og síðasti leikur liðanna verður í kvöld í Íþróttahöllinni á Akureyri og hefst klukkan 19.15.

Þór og Skallagrímur hafa mæst fjórum sinnum á skömmum tíma. Fyrstu þrír leikirnir voru hnífjafnir:

  • Skallagrímur vann fyrsta viðureignina á Akureyri með tveggja stiga mun
  • Þór sigraði síðan í Borgarnesi, einnig með tveggja stiga mun
  • Þór vann svo á heimavelli með eins stigs mun og því var allt eins reiknað með jafntefli í fjórða leiknum í Borgarnesi!
  • Svo fór þó ekki heldur unnu heimamenn örugglega. Eftir jafnan fyrri hálfleik datt botninn úr leik Þórsara í þriðja leikhluta og Skallagrímsmenn stungu af og unnu örugglega.

Hvað er betra en góð kvöldstund á íþróttakappleik? Nú er meira að segja tækifæri til að bjóða fjölskyldunni út að borða í leiðinni, því Þórsarar grilla hamborgara fyrir leik og selja! Sú veisla hefst kl. 18.00.

Ástæða er til að hvetja Þórsara og aðra íþróttaáhugamenn til að fjölmenna í Höllina í kvöld og styðja heimamenn til sigurs! 

Sigurliðið í kvöld mætir ÍR í undanúrslitum sem fyrr segir. Fyrsti leikur í því einvígi verður á heimavelli ÍR næsta miðvikudag. Í undanúrslitum mætast einnig Fjölnir og Sindri.

Kunningi frænda míns

Orri Páll Ormarsson skrifar
18. maí 2024 | kl. 14:00

Dagur læknisins

Ólafur Þór Ævarsson skrifar
17. maí 2024 | kl. 18:00

Kolefnissugur og endurskinshæfni gróðurlenda

Sigurður Arnarson skrifar
15. maí 2024 | kl. 13:30

Hús dagsins: Eyrarlandsvegur 35 (Fagrastræti 1)

Arnór Bliki Hallmundsson skrifar
15. maí 2024 | kl. 08:00

Þúfnaganga

Sigmundur Ernir Rúnarsson skrifar
13. maí 2024 | kl. 13:30

Fagurt er til fjalla

Sverrir Páll skrifar
12. maí 2024 | kl. 11:30