Körfubolti: Þórsarar töpuðu fyrir Breiðabliki

Þórsarar máttu þola enn eitt tapið í 1. deild karla í körfuknattleik í kvöld þegar þeir sóttu Breiðablik heim í Kópavoginn í gærkvöld. Lokatölur urðu 101-69. 

Fyrsti leikhluti var nokkuð jafn lengst af, en Breiðablik nánast allan tímann með forystuna. Smátt og smátt hertu heimamenn tökin, höfðu 19 stiga forskot í leikhléi og unnu að lokum með 32 stigum, 101-69. Christian Caldwel var sem fyrr stigahæstur í Þórsliðinu með 22 stig, en fráköstin óvenju fá hjá erlendu leikmönnunum tveimur, sem að jafnaði eru sterkir á því sviði. Blikar tóku 47 fráköst á móti 32 fráköstum Þórsara, sem voru að auki með 19 tapaða bolta í leiknum. Hjá Blikum var Logi Guðmundsson stigahæstur með 20 stig.

Breiðablik - Þór (29-18) (25-15) 54-33 (29-25) (18-11) 101-69

Helstu tölur leikmanna Þórs, stig/fráköst/stoðsendingar:

• Christian Caldwell 22/6/3
• Páll Nóel Hjálmarsson 15/3/0
• Axel Arnarsson 9/2/4
• Hákon Hilmir Arnarsson 8/0/2
• Arngrímur Friðrik Alfreðsson 6/2/1
• Helgi Hjörleifsson 4/2/0
• Paco Del Aquilla 2/7/1
• Finnbogi Páll Benónýsson 2/0/1
• Pétur Cariglia 1/3/2 

Þórsarar eru í 10. sæti deildarinnar með þrjá sigra í 13 leikjum, en Breiðablik er í 2. sæti á eftir Sindra. Þetta eru einmitt þau tvö lið sem Þórsarar hafa átt í höggi við í síðustu tveimur leikjum.

Tölfræði leiksins.

Staðan í deildinni.