Pistlar

Körfubolti: Þór með stórsigur gegn Vestra

Haraldur Ingólfsson skrifar 30. nóvember 2025 | kl. 20:15

Emma Karólína Snæbjarnardóttir skoraði 18 stig, tók 11 fráköst og átti 11 stoðsendingar í stórsigri Þórs á Ísafirði í dag. Hér er hún í síðasta heimasigri liðsins, gegn KV. Mynd: Helgi Heiðar Jóhannesson.

Enn einn stórsigurinn leit dagsins ljós í dag þegar kvennalið Þórs í körfuknattleik sótti Ísfirðinga heim í næst efstu deild Íslandsmótsins. Þegar upp var staðið munaði 82 stigum á liðunum, Þór skoraði 132 stig á móti 50 stigum Vestra. Þetta var sjöundi sigur Þórsliðsins í sjö leikjum í deildinni.

Um gang leiksins þarf líklega ekki að hafa mörg orð. Þór skoraði yfir 30 stig í þremur leikhlutum af fjórum á meðan gestgjafarnir skoruðu 12-14 stig í hverjum leikhluta.

Chloe Wilson skoraði flest stig Þórsara, 27, en Emma Karólína Snæbjarnardóttir var með skemmtilega þrennu, 18 stig, 11 ráköst og 11 stoðsendingar, auk þess að vera með lesta framlagspunkta í liðinu. Hjá Vestra skoruðu Leesha Henry og Maria Magdalena Kolyandrova 14 stig hvor.