Hlauparar á öllum aldri á ferðinni

Fjallahlaupið Súlur Vertical fer fram á Akureyri á morgun þar sem fullorðnir hlaupa ýmist 19, 29, 43 eða 100 kílómetra. Eins og skemmtileg hefð er fyrir hlaupa börn í nafni Súlna Vertical daginn áður; krakkahlaupið var því síðdegis í dag í Kjarnaskógi og þar spretti fjöldi barna úr spori. Hilmar Friðjónsson var á staðnum og tók þessar skemmtilegu myndir.

Þótt fjallahlaupið verði þreytt á morgun áttu fyrstu keppendur að leggja af stað klukkan níu í kvöld frá Goðafossi; fyrri ráshópur þeirra sem hlaupa 100 kílómetra! Seinni hópurinn, þeir hlauparar sem eiga mun betri tíma en hinir, verður ræstur klukkan 2 í nótt.

Keppendur í styttri vegalengdunum eru ræstir á mismunandi tímum í Kjarnaskógi í fyrramálið. Þeir fyrstu í öllum vegalengdum ljúka keppni í göngugötunni um hádegi en fólk mun síðan streyma í mark fram eftir degi.

Fleiri myndir frá krakkahlaupinu verða birtar síðar