Hvað er Alzheimer sjúkdómur?

Fræðsla til forvarna - II

Hvað er Alzheimer sjúkdómur?

Þetta er sjúkdómsástand vegna skemmda á heilafrumum. Truflun verður á starfssemi heilans, sérstaklega vitrænni starfssemi (Cognitive function) og eru þá minnistruflanir algengustu einkennin en einnig geta komið fram stjórntruflanir (heilinn er jú stjórnstöð) eins og t.d. taltruflanir eða breytingar á persónugerð (því sálin er flutt frá hjartanu og upp á efstu hæð, í heilabúið).

Sjúkdómurinn heitir eftir þýska lækninum og vísindamanninum Alois Alzheimer sem lýsti sjúkdómnum fyrstur manna árið 1906. Þetta er algengasta ástæða heilabilunar (Dementia), en næst algengast er Æðaheilabilun (Vascular dementia). Um er að ræða sjúklegt hrörnunarástand sem er alls ekki hluti af eðlilegri öldrun. Því miður eru orsakir enn ekki vel þekktar þrátt fyrir viðamiklar rannsóknir um allan heim.

Alzheimer dagurinn er síðar í þessum mánuði og mun ég skrifa nokkra pistla af því tilefni.

Ólafur Þór Ævarsson er geðlæknir