Hörmungarástand við Lundargötu

Árum saman hefur Lundargata 13 verið að grotna niður án þess að nokkur taki ábyrgð á stöðunni. Húsið var byggt árið 1898 á lóð Gránufélagsins. Dæmigert hús á Eyrinni á þessum árum. Lundargatan hefur mjög látið á sjá en flest húsin risu á árunum fyrir aldamótin 1900. Sem betur fer hefur suðurhluti götunnar fengið miklar endurbætur, en norðurhlutinn má muna fífil sinn fegurri að hluta. Verst er staðan á lóðum 13, þar sem húsið á meðfylgjandi myndum stendur, og lóð númer 17 sem er auð og í hirðuleysi. Staðan á 13 er óboðleg, eldhætta og slysahætta.

Ég vil vekja athygli bæjaryfirvalda og þeirra er málið varðar og skora á þá að bregðst við. Staðan á þessu er óboðleg, svæðinu til vansa og dónaskapur við íbúa í nágrenninu. Svona getur þetta ekki gengið lengur og skylda bæjaryfirvalda að bregðast við áður en slys verða.

Árum saman hefur þetta verið svona og bara versnar.

Trúi ekki að eigandi og bæjaryfirvöld láti þetta vera í þessari stöðu áfram.

Jón Ingi Cæsarsson er fyrrverandi Eyrarpúki