Fara í efni
Íþróttir

Þórsarar semja við svissneskan framherja

Körfuknattleiksdeild Þórs hefur samið við þrítugan Svisslending, Eric Fongue, um að leika með liðinu næsta vetur. Hann er 198 cm framherji. Eric á nokkra leiki að baki með svissneska landsliðinu, að því er fram kemur á heimasíðu Þórs, og kom m.a. til landsins þegar Ísland og Sviss mættust 2016.

Fongue hefur spilað allan sinn atvinnumannsferil í heimalandinu fyrir utan fjögur ár sem hann var í háskóla í Bandaríkjunum. Lokaárið þar var hann í University of Alaska í Fairbanks. Síðustu tvö tímabil spilaði Eric með BC Boncourt, seinna árið skoraði hann 10,2 stig að meðaltali í leik og tók 3,3 fráköst.

Áður höfðu Þórsarar samið við bandarískan bakvörð, Jonathan Lawton - sjá hér.