Bikarinn á loft? Beint streymi á Akureyri.net

Fjórði úrslitaleikur SA Víkinga,  karlaliðs Skautafélags Akureyrar, og liðs Skautafélags Reykjavíkur um Íslandsmeistaratitilinn í íshokkí fer fram í Reykjavík í kvöld. Bardaginn hefst klukkan 19.45 og verður sýndur beint frá leiknum á vef Íshokkísambands Íslands. Eins og upp á síðkastið verður útsendingunni streymt hér á Akureyri.net. Útsending hefst skömmu fyrir leik.

Staðan í einvíginu er 2:1 fyrir SA Víkinga. Þrjá sigra þarf til að tryggja sér titilinn þannig að vinni Akureyringar leik kvöldsins er Íslandsmeistaratitillinn þeirra enn einu sinni.