Upphaf vígsluathafnar, ekki loftvarnarmerki!

Þegar Akureyrarkirkja var vígð, 17. nóvember 1940, stóð heimsstyrjöldin síðari yfir. Bretar hernámu Ísland um vorið og hópur þeirra hafði aðstur á Akureyri og nágrenni. Heimamenn og hermenn voru því jafnan öllu viðbúnir. Þess vegna þótt sérstök ástæða til að benda bæjarbúum að engin hætta yrði á ferðum þótt klukku kirkjunnar nýju yrði hringt kvöldið fyrir vígsluathfönina. Í auglýsingu á forsíðu bæjarblaðsins Dags, segir: „Vígsla kirkjunnar fer fram næstk. sunnudag 17. þ.m. og hefst kl 1. Athygli bæjarbúa skal vakin á því, að á laugardagskvöldið kl. 6. e.h. verður kirkjuklukkunni hringt nokkra stund. Er það upphaf vígsluathafnarinnar, en ekki loftvarnarmerki.“