Framboðslisti VG samþykktur í dag

Framboðslisti Vinstrihreyfingarinnar - græns framboðs fyrir kosningarnar til bæjarstjórnar Akureyrar í maí var samþykktur á félagsfundi í dag.

„Listinn er skipaður mjög öflugu fólki sem er tilbúið til að vinna að hugsjónum okkar og gera bæinn betri,“ segir Jana Salóme Ingibjargar Jósepsdóttir sem hefur setið í bæjarstjórn Akureyrar í fjögur ár fyrir hönd VG og verður áfram í efsta sæti listans. Jana Salóme segist mjög spennt fyrir kosningunum og afar ánægð með að vinstra fólk í sveitarfélaginu sameinist undir merki VG.

„Fólkið á listanum er góð blanda af reynsluboltum og fólki sem er að stíga sín fyrstu skref í stjórnmálum og verður mikill fengur fyrir sveitarfélagið okkar að fá svo öflugt hugsjónafólk til starfa í bæjarstjórn og nefndarstarfi,“ segir í tilkynningu frá VG.

Listinn er sem hér segir:

1. Jana Salóme Ingibjargar Jósepsdóttir, bæjarfulltrúi
2. Stefán Oddur Hrafnsson, meistaranemi í kennslufræðum
3. Ásrún Ýr Gestsdóttir, athafnakona
4. Sigtryggur Ellertsson, vistvænn verslunareigandi
5. Herdís Júlía Júlíusdóttir, iðjuþjálfi
6. Erlendur Steinar Friðriksson, sjávarútvegsfræðingur
7. Sif Jóhannesar Ástudóttir, þjóðfræðingur
8. Jóhannes Árnason, framhaldsskólakennari
9. Harpa Guðbrandsdóttir, verkakona
10. Elvar Freyr Fossdal Sigfússon, nemi og lagerstarfsmaður
11. Anna Sigríður Jónsdóttir, félagsráðgjafi
12. Mikael Snær Gíslason, líftækninemi
13. Hrönn Soffíu Björgvinsdóttir, verkefnastjóri á Amtsbókasafninu á Akureyri
14. Davíð Örvar Hansson, teymisstjóri hjá Náttúruverndarstofnun
15. Inga Elísabet Vésteinsdóttir, landfræðingur
16. Bragi Guðmundsson, fyrrverandi prófessor
17. Arnfríður Kjartansdóttir, sálfræðingur
18. Angantýr Ómar Ásgeirsson, kennaranemi
19. Dýrleif Skjóldal, leikskólakennari og sundþjálfari
20. Guðmundur Ármann Sigurjónsson, myndlistamaður og -kennari
21. Hannes Sigurðsson, lagerstarfsmaður
22. Kristín Sigfúsdóttir, f.v. framhaldsskólakennari og bæjarfulltrúi