Bæjarslagir og barátta á öllum vígstöðvum

Viðburðarík vika er fram undan hjá akureyrskum liðum, meðal annars bæjarslagir bæði í handbolta og fótbolta. KA og Þór mætast í Olísdeild karla í handbolta á miðvikudag og í Bestu deild karla í fótbolta á laugardag. Sameiginlegu liðin, KA/Þór og Þór/KA verða bæði í eldlínunni á laugardag og sömuleiðis karlalið SA í íshokkí sem hefur leik í Toppdeildinni á laugardag. Á miðvikudag er á dagskrá fyrri leikur 2. flokks Þórs í knattspyrnu gegn Zalgiris í UEFA Youth League, eða ungmennadeild Knattspyrnusasmbands Evrópu. 

• Fyrri leikur Þórs, 2. flokks karla, í Ungmennadeild UEFA er á dagskrá á miðvikudag. Leikurinn er í 1. umferð keppninnar og mætast liðin tvisvar. Seinni leikurinn verður í Vilníus í Litháen 14. október. Sigurlið úr þessum tveimur viðureignum mætir írska liðinu St. Patricks Athletics.
• Karlalið Akureyrar í handboltanum mætast í KA-heimilinu á miðvikudagskvöld, í þriðju umferð Olísdeildarinnar. KA hefur unnið báða leiki sína til þessa og er í toppsætinu. Þór tapaði fyrsta leiknum, en vann HK á heimavelli í annarri umferð. Fjallað verður sérstaklega um bæjarslaginn í annarri grein í aðdraganda leiksins.
• KA/Þór sækir ÍR heim á laugardag í þriðju umferð Olísdeildar kvenna í handbolta. Fyrstu tveir leikirnir hafa tapast og hlýtur að styttast í fyrsta sigurinn.
• Þór/KA á fram undan þriggja leikja baráttu upp á áframhaldandi sæti í Bestu deild kvenna í fótbolta. Fjögur neðstu liðin, Fram, Valur, Víkingur og Þór/KA, hefja lokakaflann um komandi helgi. Þór/KA sækir Val heim að Hlíðarenda í fyrsta leik.
• Karlalið SA í íshokkí skautar af stað í Toppdeildinni á laugardag þegar liðið sækir Fjölni heim á skautasvellið í Egilshöllinni í Reykjavík. Fjallað verður sérstaklega um veturinn fram undan, breytingar á leikmannahópnum og fleira í aðdraganda leiksins.

MIÐVIKUDAGUR 16. SEPTEMBER - fótbolti, handbolti

Með því að vinna Íslandsmeistaratitil í 2. flokki karla í fyrra ávann 2. flokkur Þórs sér rétt til þáttöku í Ungmennadeild UEFA. Fyrri leikur liðsins í 1. umferð keppninnar er heimaleikur gegn FK Žalgiris frá Litháen á miðvikudag.

• Fótbolti
  Ungmennadeild UEFA, 1. umferð
  Þórsvöllur (VÍS-völlurinn, gervigras á Ásnum) kl. 16
  Þór - FK Žalgiris

Bæjarslagur í handbolta á dagskrá á miðvikudagskvöld. 

• Handbolti
  Olísdeild karla, 3. umferð
  KA-heimilið kl. 19
  KA - Þór

LAUGARDAGUR 19. SEPTEMBER - handbolti, fótbolti, íshokkí

Þriðji leikur KA/Þórs í Olísdeild kvenna á dagskrá á laugardag og vonast eftir fyrsta sigrinum á leiktíðinni.

• Handbolti
  Olísdeild kvenna, 3. umferð
  Skógarsel í Breiðholti kl. 15
  ÍR - KA/Þór

Fjögur lið berjast um áframhaldandi veru í Bestu deild kvenna í fótbolta. Tvö þeirra fá sæti, tvö falla niður um deild. Að loknum 18 umferðum og fyrir þennan þriggja umferða lokakafla er Fram með 22 stig, Valur 20, Víkingur 20 og Þór/KA 19. Níu gríðarlega mikilvæg stig í boði á lokakaflanum.

• Fótbolti
  Besta deild kvenna, neðri hluti
  Valsvöllur (N1 völlurinn að Hlíðarenda) kl. 16
  Valur - Þór/KA

SA Víkingar, karlalið Skautafélags Akureyrar í íshokkí, hefur leik á Íslandsmótinu á laugardag. Þrisvar á undanförnum fjórum árum hefur lið SA mátt horfa á eftir Íslandsbikarnum í Laugardalinn til Skautafélags Akureyrar. Nýr þjálfari er mættur til leiks og að sjálfsögðu stefnt að því að vinna titla. 

• Íshokkí
  Toppdeild karla
  Egilshöll kl. 16:45
  Fjölnir - SA

„Flóðljósaleikur“ á dagskrá á KA-vellinum á laugardagskvöldi, bæjarslagur sem er annað og meira en bæjarslagur því bæði lið eiga í mikilli og spennandi baráttu um að halda sér í Bestu deildinni.

• Fótbolti
  Besta deild karla, neðri hluti
  KA-völlur (Greifavöllurinn) kl. 19:30
  KA - Þór