Þór 111 ára – boðið til veislu í Hamri í dag

Héraðsskjalasafnið á Akureyri birti í morgun skemmtilega færslu og meðfylgjandi mynd á Facebook síðu safnsins. Pistillinn er birtur hér í heild:

Íþróttafélagið Þór er 111 ára í dag

Íþróttafélagið Þór var stofnað í Strandgötu 45 þann 6. júní 1915 og er elsta starfandi íþróttafélagið á Akureyri. Fyrsti formaður Þórs og helsti hvatamaður að stofnun þess var Friðrik Sigurður Einarsson (1900-1918).

Myndin sýnir teiknaða útgáfu af embættistákninu, sem fyrrum formenn Þórs voru heiðraðir með í 50 ára afmælisveislu Þórs sem haldin var laugardaginn 16. október 1965. En táknið var, hamarinn „Mjölnir“ skorin úr tré og áleitraður með orðunum Þór 50 ára.

Við upphaf afmælisársins 1965 hafði verið ákveðið að viðburðir til að minnast afmælisins skyldi dreift á allt árið. Fór fram álfadans og brenna, heimsókn Íslandsmeistaranna í körfuknattleik, skíðamót í Hlíðarfjalli, heimsókn utanbæjarliðs í knattspyrnu, útgáfa afmælisrits og afmælisfagnaðir fyrir eldri og yngri félaga. Í afmælishófinu fyrir þá eldri sátu 270 manns. 8 af 25 stofnendum félagsins sem þá voru á lífi mættu og voru gerðir af heiðursfélögum. Auk þessa fékk félagið nær óteljandi magn af gjöfum og heillaskeytum.