Nýir röntgenlæknar til starfa á SAk

Sjúkrahúsið á Akureyri (SAk) greinir frá því í frétt á vef sínum að tveir nýir röntgenlæknar hafi verið ráðnir til starfa á sjúkrahúsinu og munu þeir hefja störf um næstu mánaðamót. Með ráðningu  þeirra er myndgreiningardeild SAk fullmönnuð.

Það eru sérfræðingarnir Bjarki Ívarsson og Sigríður Margrét Möller sem koma til starfa þann 1. apríl næstkomandi. Í fréttinni á vef SAk kemur fram að Bjarki hafi lokið sérnámi í myndgreiningu við háskólasjúkrahúsið í Árósum í Danmörku og hafi starfað bæði hérlendis og erlendis. Sigríður Margrét lauk sínu sérnámi í Noregi og hefur starfað þar í landi sem og hérlendis.