Fara í efni
Umræðan

Hinsegin bakslagið á Akureyri

Í gærkvöldi bauð félag foreldrafélaga grunnskóla á Akureyri til fræðslu og fundar með fulltrúum Samtakanna 78 til að fræðast um það efni sem þau kenna grunnskólabörnum í sveitarfélaginu í vetur. Fundurinn var fjölmennur og vægast sagt góður. Fyrirfram voru örugglega einhver með hnút í maganum enda hafa bæði ýmsum röngum og misvísandi upplýsingum verið dreift um fræðslu samtakanna og það stundum líklega í þeim tilgangi að valda skaða. Það hefur síðan óneitanlega haft áhrif að formaður Bandalags kennara á Norðurlandi eystra (BKNE) hefur nánast daglega, opinberlega, viðrað ógeðfelld viðhorf sín og annarra um málefni hinsegin fólks, sem hafa sérstaklega beinst gegn transfólki. Þau gleðilegu tíðindi bárust hins vegar í gær að formannskipti hafa orðið hjá félaginu. Á þingi kennaranna var samþykkt lagabreyting sem fólst í því að framvegis skuli kjósa formann til eins árs í senn og tók breytingin gildi strax á þinginu. Þessi lagabreyting þýddi að hægt var að skipta um formann tafarlaust, var það gert og nýr formaður nú þegar tekin til starfa. Mikið var ég ánægð með kennara á svæðinu sem með samtakamætti brugðust við af fullum þunga og samþykktu þessa breytingu með 83 atkvæðum af 86. Það var ekki síður ánægjulegt að finna kraftinn í foreldrum á svæðinu á fræðslufundinum í gærkvöldi, sem ef eitthvað er vildu frekar gera meira og betur á Akureyri í því skyni að fagna fjölbreytileikanum og skapa litskrúðugt og öruggt samfélag fyrir okkur öll. Ef marka má þann anda sem var á þessum fjölmenna fundi þá mun okkar samfélag sem betur fer ekki sætta sig við bakslag í réttindabaráttu hinsegin fólks, heldur sporna við þróuninni af fullum krafti.

Hilda Jana Gísladóttir er bæjarfulltrúi Samfylkingarinnar á Akureyri

Frá fundi foreldrafélaga grunnskólanna á Akureyri í gærkvöldi. Mynd: Hilda Jana.

… og við hvað á fólkið svo að vinna?

Árni Guðmundsson skrifar
01. september 2025 | kl. 11:00

Ný sókn í mennta­málum – tæki­færi eða hliðar­skref?

Ingibjörg Isaksen skrifar
28. ágúst 2025 | kl. 14:15

Sveitarstjórnarpólitík: Hvað þarf að laga, og hvernig?

Gunnar Már Gunnarsson skrifar
28. ágúst 2025 | kl. 12:00

Brautin rudd fyrir nýtingu glatvarma

Ottó Elíasson og Ásthildur Sturludóttir skrifa
25. ágúst 2025 | kl. 10:10

Meira fyrir minna

Sigurjón Þórðarson skrifar
14. ágúst 2025 | kl. 14:00

Kveikjum á kerti fremur en að kvarta yfir myrkrinu

Rúnar Sigþórsson skrifar
07. ágúst 2025 | kl. 11:00