Umræðan

Dregið í bikarkeppnum í handbolta og körfu

Haraldur Ingólfsson skrifar 24. september 2026 | kl. 16:00

Þrjú af Akureyrarliðunum fá útileik, eitt fær heimaleik og eitt situr hjá.

Dregið hefur verið um leiki í bikarkeppnunum í handbolta og körfubolta. Handboltalið Akureyrar fá útileiki, en körfuboltalið karla heimaleik. Konurnar í körfunni sitja hjá í fyrstu umferð.

Í handboltanum er keppt undir merkjum Powerade-bikarsins. Akureyrarliðin öll fá útileik í 32 liða úrslitunum, Þórsarar fara til Eyja þar sem þeir mæta b-liði heimamanna, en KA menn mæta Víkingi. Leikdagar 16 liða úrslita karla eru 8. og 9. október. KA/Þór fær útileik gegn Fjölni, leikdagar kvennaliðanna eru 18. og 19. nóvember.

9. október: Víkingur - KA
8. eða 9. október: ÍBV-B - Þór

Leikir 16 liða úrslitanna:

HK – Afturelding
ÍBV B – Þór
FH – Fram
Hvíti Riddarinn – Grótta
Selfoss – Valur
Víkingur – KA
Haukar – Stjarnan
ÍR – ÍBV

Aðeins eru 12 lið skráð til leiks í bikarkeppni kvenna og var því dregið í sex leiki, en tvö lið sitja hjá og fara beint í átta liða úrslit.

18. eða 19. nóvember: Fjölnir - KA/Þór

Leikir 16 liða úrslitanna:

Stjarnan – ÍBV
Afturelding – ÍR
Fjölnir – KA/Þór
Víkingur – Selfoss
FH – HK
Grótta – Fram

Íslands- og bikarmeistarar Vals sátu hjá í drættinum, ásamt Haukum sem taka þátt í Evrópukeppni. Bæði lið fara beint í átta liða úrslit.

Heimaleikur í körfunni

Einnig hefur verið dregið í 32 liða úrslit bikarkeppni karla og 16 liða úrslit bikarkeppni kvenna í körfuknattleik. Þar er spilað undir merkjum VÍS-bikarsins.

Í karlaflokki eru 29 lið skráð til leiks og því dregið í 13 viðureignir í fyrstu umferðinni.

18. eða 19. október: Þór - Sindri

Leikir 32 liða úrslitanna:

Þór – Sindri
ÍA – Álftanes
Skallagrímur – KR
Haukar – Tindastóll
Þór Þ. – Valur
Aþena/Leiknir – Vestri
Breiðablik – Grindavík
Víðir – Njarðvík
Laugdælir/Uppsveitir – KV
Selfoss – Stjarnan
KR b – ÍR
Afturelding – Hamar
Fjölnir – Höttur

Snæfell, Keflavík og Ármann sitja hjá og eru komin í 16 liða úrslit VÍS bikarkeppninnar.

Aðeins einn leikur er í 32 liða úrslitum, eða fyrstu umferð, VÍS-bikarkeppni kvenna, þar sem 17 lið eru skráð til leiks. Þar mætast Keflavík-B og Fjölnir, en lið Þórs fer beint í 16 liða úrslit. Liðin sem fara beint í 16 liða úrslit: Aþena, Ármann, Breiðablik, Grindavík, Haukar, ÍR, Keflavík, KR, Njarðvík, Selfoss, Stjarnan, Tindastóll, Valur, Þór A. og Þór Þ.

Til baka í umræðuna