Dagur gerði 4 mörk og Montpellier sigraði

Handboltamaðurinn Dagur Gautason gerði fjögur mörk í fyrsta leiknum með Montpellier Handball í Frakklandi í kvöld. Liðið sigraði  þá nágrannaliðið PAUC frá Aix 33:31 í átta liða úrslitum bikarkeppninnar. Dagur og félagar eru þar með komnir í undanúrslit.

Dagur gekk óvænt til liðs við stórlið Montpellier frá Arendal í Noregi í byrjun vikunnar eins og Akureyri.net sagði frá mánudagskvöldið – sjá hér.

Montpellier, sem var á heimavelli í kvöld, byrjaði mun betur en staðan var þó jöfn í hálfleik, 16:16. Heimamenn höfðu fjögurra til sex marka forystu lungann úr seinni hálfleik en gestirnir minnkuðu muninn aftur. Eftir að PAUC skoraði hálfri mínútu fyrir leiks var staðan 32:31 en það var Dagur sem gulltryggði sigurinn með síðasta marki leiksins þegar fimm sekúndur voru eftir.

Góð byrjun þetta hjá Degi.