Fréttir
Nýtt flugfélag? Öllum boðið á fund í hádeginu
01.04.2026 kl. 10:30
Eigendur Skógarbaðanna halda upp á það í dag að nýr mánuður er genginn í garð með tilkynningu um að stofnað verði flugfélagið Forest Air. Málið ku verða kynnt á veitingastað Skógarbaðanna í hádeginu í dag, þangað eru allir velkomnir og fólk raunar hvatt til þess að mæta.
Svohljóðandi orðsending var birt í morgun:
„Kæru vinir, það er komið að næstu tilkynningu varðandi uppbyggingu hjá okkur í Skógarböðunum. Framkvæmdir við hótelið okkar ganga vel og stefnt er að opnun um mitt ár 2027.
Undanfarnar vikur höfum við fundið fyrir miklum áhuga erlendra gesta sem og heimamanna á beinu flugi frá meginlandi Evrópu og Norður Ameríku til Akureyrar. Icelandair hefur ekki sýnt áhuga á því að sinna þessum fluglegg og höfum við því ákveðið að ráðast í næsta verkefni og munum við kynna stofnun Forest Air í dag klukkan 12 hjá okkur í Skógarböðunum.
Við hvetjum alla sem vilja kynna sér þetta verkefni okkar að mæta til okkar á Bistró, heyra okkar áætlanir og taka þátt í þessu verkefni með okkur.“
Beint flug út í heim frá Akureyri er bæjarbúum hugleikið og því ekki ólíklegt að margir hlaupi til og skundi á fundinn í hádeginu.
