Mannlíf
Hermenn úr Eyrarvegi í Dunkirk og Stalíngrad
14.12.2025 kl. 06:00
Ég átti margt hermanna í Eyrarvegi og voru úr plasti, sumir grænir, aðrir rauðir eða bláir en allir léttir og meðfærilegir.
Svo átti ég nokkra gamla tindáta og voru vígalegri en plasthermennirnir, þungir og tígulegir í senn.
Þannig hefst kafli dagsins úr bók Jóhanns Árelíuzar, Sveskjur í sólarlaginu, sem er framhald af Eyrarpúkanum, því gáskafulla skáldverki sem gerist á Eyrinni á Akureyri um miðja síðustu öld.
Hliðhollur bandamönnum barðist ég með Norðmönnum í Narvík, laut í lægra haldi ásamt Bretum í Dunkirk en murkaði lífið úr Þjóðverjum í þúsundavís í fjörutíu stiga frosti í umsátrinu um Stalíngrad.
Ég gafst aldrei upp.