Fara í efni
Minningargreinar

Pálmi Stefánsson

Pálmi Stefánsson

Föðurbróðir minn og lærifaðir, Pálmi Stefánsson, lést þann 15. júlí. Ég á honum svo mikið að þakka.

Hann var algjör erkisnillingur. Um miðjan sjöunda áratug síðustu aldar stofnaði hann og stýrði hljómsveitinni Póló, sem var um skeið vinsælasta hljómsveit landsins og sum lög sveitarinnar lifa enn með landanum – Glókollur, Á heimleið og Lóan er komin eru þar á meðal.

Pálmi stofnaði hljóðfæra- og plötuverslun, Tónabúðina, á Akureyri á svipuðum tíma og Póló fór í gang. Erfiðlega gekk að fá íslenskar plötur til sölu, þar sem einhverjir útgefendur höfðu gert einkasölusamning við aðra verslun á Akureyri. Þá stofnaði hann Tónaútgáfuna og gaf út plötur með Póló, Geirmundi Valtýssyni, Ævintýri, Flowers, Ingimar Eydal, Kristínu Ólafsdóttur, Örvari Kristjánssyni og mörgum fleirum.

Tónaútgáfan gaf t.d. út fyrstu plötu Björgvins Halldórssonar og Lifun með Trúbrot, svo eitthvað sé talið og setti upp hljóðver á Akureyri.

Pálmi giftist úrvalskonunni Soffíu (Ossa frænka oftast kölluð), sem lifir mann sinn. Börn þeirra og barnabörn hafa heldur betur markað spor sín í menningu, listum, íþróttum og viðskiptum á Akureyri og víðar – enda ljómaði Pálmi af stolti í hvert sinn er hann talaði um börnin og barnabörnin.

Pálmi réð mig í afleysingar í Tónabúðinni fyrir tæpum 30 árum og hóf þá að siða mig aðeins til og kenna. Tónabúðin setti svo upp útibú í Reykjavík 1994 og þar starfaði ég lengi, fyrst í afleysingum og svo í fullu strarfi þar til verslunin var seld 2007. Lærdómsríkur og gríðarskemmtilegur tími.

Blessuð sé minning Pálma, hann var úrvalsmaður og ég á eftir að sakna hans mikið.

Ingvar Valgeirsson

Sólveig Kristjánsdóttir

Nói Björnsson skrifar
02. desember 2022 | kl. 15:00

Svanur Eiríksson

Eyrún Svava Ingvadóttir skrifar
27. nóvember 2022 | kl. 21:00

Svanur Eiríksson

Elísabet Björk Björnsdóttir skrifar
27. nóvember 2022 | kl. 21:00

Svanur Eiríksson

Sævar Pétursson skrifar
27. nóvember 2022 | kl. 21:00

Svanur Eiríksson

Darri, Hildur og Agnes Hólmarsbörn skrifa
27. nóvember 2022 | kl. 21:00

Svanur Eiríksson

Sif Sævarsdóttir skrifar
27. nóvember 2022 | kl. 21:00