Ófeigur Sigurpáll Hólmar Jóhannesson

Í dag kveðjum við elsku afa okkar. Afi Ódi var einstaklega rólegur, traustur, fyndinn og handlaginn maður sem sýndi ást sína í verkum frekar en orðum. Hann var alltaf tilbúinn að rétta fram hjálparhönd og ekkert verkefni var of stórt eða of lítið ef fjölskyldan þurfti á honum að halda. Hann mætti á alla viðburði okkar barnabarnanna og var alltaf til í að dunda sér með okkur tímunum saman. Afi gerði besta grjónagrautinn og gaf hlýjustu knúsin.

Það er skrítin tilhugsun að koma í Stapasíðuna og þar sé enginn afi Ódi. Við söknum þín elsku afi og góðu samverustundanna með þér.

Við barnabörnin verðum alltaf sveppirnir þínir og minning þín lifir ávalt í hjörtum okkar.

Ástarkveðjur,

Kolfinna, Magnea og Nanna