Fara í efni
Minningargreinar

Kristinn Páll Einarsson – lífshlaupið

Kristinn Páll Einarsson – lífshlaupið

Kristinn Páll Einarsson fæddist í Reykjavík 27. apríl 1949. Hann lést á Sjúkrahúsinu á Akureyri 22. mars 2022.

Foreldrar hans voru Einar Bjarni Þórarinsson, f. 1922 á Patreksfirði, d. 1979, og Anna Pálsdóttir, f. 1919 á Siglufirði, d. 2000.

Sammæðra bróðir Kristins er Jóhann Kasper Kröyer Egilsson, f. 1943. Samfeðra systkin eru Karl, f. 1944, d. 2019, og Erna, f. 1946. Alsystkin Kristins eru Elías Halldór, f. 1951, d. 2014, Guðmundína, f. 1955, og Halldóra, f. 1957.

Kristinn giftist 12. apríl 1971 Sóleyju Guðmundsdóttur, f. 8. júlí 1950 á Akureyri. Foreldrar hennar voru Sigríður Kristinsdóttir, f. 1908 á Kerhóli í Sölvadal í Eyjafirði, d. 2003, og Guðmundur Reynir Antonsson, f. 1921 á Akureyri, d. 1990.

Börn Kristins og Sóleyjar eru: 1) Halldór Sveinn, f. 1971, giftur Guðrúnu Karitas Bjarnadóttur, f. 1971. Börn þeirra eru a) Egill Fannar, f. 1993, b) Herdís Rún, f. 1995, c) Kári Steinn, f. 2005. 2) Kristinn Freyr, f. 1974. 3) Sigríður Ósk, f. 1976, í sambúð með Björgvini N. Ásgeirssyni, f. 1974. Börn þeirra eru a) Baldvin Freyr, f. 2000, b) Sóley María, f. 2007, c) Eva Júlía, f. 2009. 4) Davíð Már, f. 1986.

Kristinn ólst upp í Reykjavík. Hann réði sig til sjós 15 ára gamall og starfaði á fiski- og flutningaskipum á árunum 1964-1972. Hann lauk farmannaprófi 3. stigs frá Stýrimannaskólanum í Reykjavík 1971. Kristinn hóf störf hjá Lögreglunni í Reykjavík í maí 1972 og lauk prófi frá Lögregluskóla ríkisins árið 1974. Kristinn og Sóley fluttust síðan búferlum til Akureyrar árið 1975 og hóf Kristinn störf hjá Lögreglunni á Akureyri 1. júní 1975. Jafnframt starfaði hann sem stýrimaður á ýmsum flutninga- og fiskiskipum í sumar- og vetrarleyfum. Kristinn fór á eftirlaun árið 2014, 65 ára gamall, og hafði þá starfað sem lögreglumaður í 42 ár. Hann var einn af stofnendum Lögreglufélags Akureyrar og starfaði þar sem gjaldkeri, meðstjórnandi og formaður. Af öðrum félagsstörfum þá sat hann í stjórn lánasjóðs Stýrimannaskólans á námsárum sínum, var ritari Lyftingafélags Akureyrar á árunum 1979-1984 og starfaði í knattspyrnuráði Akureyrar árið 1982.

Þorleifur Jóhannsson - minning

11. janúar 2021 | kl. 06:45

Þorleifur Jóhannsson

Inga Dagný Eydal skrifar
11. janúar 2021 | kl. 06:50

Ágúst H. Guðmundsson

Ásmundur Hreinn, Bjarni Ármann og Guðmundur Ævar Oddssynir skrifa
13. janúar 2021 | kl. 07:00

Þorleifur Jóhannsson

Símon Jón Jóhannsson skrifar
11. janúar 2021 | kl. 09:30

Þorleifur Jóhannsson

Sævar Benediktsson skrifar
11. janúar 2021 | kl. 10:30

Ágúst H. Guðmundsson

Guðrún Gísladóttir skrifar
13. janúar 2021 | kl. 07:00