Jón Sigurpáll Hansen

Það var einstakt fyrir okkur öll að fá að kynnast Jóni Hansen og eiga hann að vini og vinnufélaga. Jónsi var frábær fagmaður á sínu sviði, vandvirkur og samviskusamur svo eftir var tekið. Hann stóð sína plikt hvað sem á dundi en vildi ógjarnan hafa mörg orð um sín vel unnu verk. Við söknum vinar í raun og þökkum ljúfa samfylgd í gegnum tíðina.

Þitt starf var farsælt, hönd þín hlý
og hógvær göfgi vipnum í.
Þitt orð var heilt, þitt hjarta milt
og hugardjúpið bjart og stillt.

En styrrinn aldrei stóð um þig,
– hver stormur varð að lægja sig,
er sólskin þinnar sálar skein
á satt og rétt í hverri grein.
(Jóhannes úr Kötlum)

Við vottum fjölskyldu og ástvinum okkar dýpstu samúð.

Guðríður Friðriksdóttir og starfsfólk umhverfis- og mannvirkjasviðs Akureyrarbæjar.