Fara í efni
Minningargreinar

Helgi Rúnar Bragason

Í dag, mánudaginn 11. september verður Helgi Rúnar Bragason lagður til sinnar hinstu hvílu og verður útförin gerð frá Akureyrarkirkju og hefst athöfnin klukkan 13.

Helgi Rúnar Bragason fæddist 5. júní 1976, hann lést sunnudaginn 27. ágúst einungis 47 ára að aldri. Helgi Rúnar greindist með krabbamein sumarið 2021 og barðist hetjulega við þann illvíga sjúkdóm sem hafði að lokum betur.

Helgi Rúnar var starfandi framkvæmdastjóri ÍBA frá árinu 2018 en var í veikindaleyfi síðustu misserin eftir að hann greindist með krabbamein.

Helgi, sem er fæddur og uppalinn í körfuboltabænum Grindavík fór þar upp í gegnum yngri flokka félagsins og lék svo með meistaraflokki þar til hann var 26 ára en þá lagði hann skóna á hilluna vegna meiðsla. Helgi var m.a. bikarmeistari með Grindavík og þjálfaði yngri flokka félagsins um árabil.

Við Þórsarar vorum svo lánsamir að njóta krafta Helga Rúnars um árabil en hann var afburðagóður þjálfari og almennur leiðbeinandi eins og þeir gerast bestir. Eftir að Helgi flutti til Akureyrar tók hann að sér þjálfun yngri flokka Þórs í körfubolta og sinnti því starfi að alúð og af mikilli natni. Helgi þjálfaði yngri flokka félagsins allt til ársins 2017 er hann tók þjálfun meistaraflokks kvenna og stýrði hann liðinu í tvö tímabil með frábærum árangri.

Helgi hafði afar gott auga og næmni fyrir ungum og efnilegum leikmönnum og var hann óhræddur við að gefa þeim tækifæri á að sanna sig innan vallar sem utan. Því má með sanni segja að Helgi Rúnar eigi stóran þátt í velgengni kvennaliðs Þórs sem vann sér inn þátttökurétt í deild þeirra bestu í vor. Því skyldi engan undra að það yljaði Helga um hjartaræturnar að sjá liðið tryggja sér sæti í efstu deild, lið sem hann átti svo stóran hlut í.

Fyrir störf sín hjá Þór var Helga veitt silfurmerki Þórs í afmælishófi félagsins þann 6. júní síðastliðinn. Við sama tækifæri var eftirlifandi eiginkonu Helga, Hildi Ýr Kristinsdóttur veitt bronsmerki félagsins en þau hjónin voru afar dugleg í sjálfboðastarfi hjá félaginu. Dóttir Helga og Hildar er Karen Lind.

Um leið og Íþróttafélagið Þór þakkar Helga Rúnari fyrir samfylgdina og hans ómetanlega framlag til körfuboltans sem hann brann svo mikið fyrir sendir félagið fjölskyldu og ástvinum Helga Rúnars innilegar samúðarkveðjur.

Blessuð sé minning Helga Rúnars Bragasonar.

Hvíli hann í friði Guðs.

Íþróttafélagið Þór.

Hulda Lilý Árnadóttir

Rannveig Svava Alfreðsdóttir skrifar
18. júlí 2024 | kl. 06:00

Jón Bjarnason

Íþróttafélagið Þór skrifar
12. júlí 2024 | kl. 10:30

Jón Bjarnason – lífshlaupið

12. júlí 2024 | kl. 10:20

Jóhann Sigtryggsson

Magnús Ingólfsson og Ólafur Þór Ævarsson skrifa
09. júlí 2024 | kl. 12:00

Sigríður Árnadóttir

Baldur Már, Andri Snær og Ágúst Stefánssynir skrifa
26. júní 2024 | kl. 06:00

Sigríður Árnadóttir

Friðrika Tómasdóttir skrifar
26. júní 2024 | kl. 06:00