Fara í efni
Minningargreinar

Heba Ásgrímsdóttir

Heba ljósmóðir vann stóran hluta sinnar starfsævi á fæðingadeild Sjúkrahússins á Akureyri. Þar átti hún samleið með mörgum ljósmæðrum, hjúkrunarfræðingum, sjúkraliðum, læknum og öðru starfsfólki. Við sem enn störfum á deildinni, minnumst Hebu með hlýju. Í okkar huga var hún einstök kona sem kom fram við samferðafólk sitt af virðingu og umhyggju og það voru forréttindi að fá að starfa henni við hlið.

Heba og Hallgrímur opnuðu heimili sitt í allmörg skipti fyrir öllum starfsmannahópnum á fæðingadeildinni þegar við héldum kalkúnakvöldin góðu sem n.k. árshátíð deildarinnar. Móttökurnar voru ætíð höfðinglegar og ákaflega glatt á hjalla.

Eftir að Heba hætti störfum á deildinni hélt hún sambandi við kollega sína m.a. í gegnum Norðurlandsdeild Ljósmæðrafélagsins. Hún var einn af stofnfélögum þar og mætti glaðreif á fundi og viðburði félagsins á meðan heilsan leyfði.

Við þökkum Hebu fyrir samfylgdina og sendum Hallgrími og öðrum ættingjum okkar dýpstu samúðarkveðjur.

Þegar komstu þá var hlýtt,þau voru okkar kynni,allt var göfugt, gott og blítter gafst í návist þinni,ef að jarðlífs mæddu meinmest var kærleiksdáðin,skorinorð og hjartahreinhollust gafstu ráðin.
Höf. ókunnur

Starfsfólk fæðingadeildar Sjúkrahússins á Akureyri.

Hallfríður Lilja Einarsdóttir

Hulda Einarsdóttir skrifar
08. október 2025 | kl. 06:00

Hallfríður Lilja Einarsdóttir

Helga Björg Jónasardóttir skrifar
05. október 2025 | kl. 12:00

Hallfríður Lilja Einarsdóttir

Vala Ólöf Jónasdóttir skrifar
26. september 2025 | kl. 08:30

Hallfríður Lilja Einarsdóttir

Anna Gunndís Guðmundsdóttir skrifar
25. september 2025 | kl. 08:30

Hallfríður Lilja Einarsdóttir

Sigríður María Bjarnadóttir og Vilborg Karlsdóttir skrifa
25. september 2025 | kl. 06:00