Menning
Tríó Öræfi og Arnaldur í Akureyrarkirkju
19.07.2026 kl. 14:00
Tríó Öræfi ásamt Arnaldi Arnarsyni gítarleikara koma fram á Sumartónleikum í Akureyrarkirkju í dag kl. 17.00. Þetta eru þriðju tónleikarnir af fernum í þessari gamalgrónu tónleikaröð sem haldin er í 40. skipti á þessu sumri.
Tríó Öræfi er skipað Sóleyju Þrastardóttur þverflautuleikara, Þórunni Harðardóttur víóluleikara og Ásdísi Arnardóttur sellóleikara. Ásamt Arnaldi Arnarsyni gítarleikara flytur tríóið verk eftir Josef Kreuzer, Franz Schubert/W. Matiegka og Nicolo Paganini. Auk þess frumflytja fjórmenningarnir nýtt verk eftir Oliver Kentish, sem pantað var í tilefni 40 ára afmælis Sumartónleika í Akureyrarkirkju.
„Hljóðfærasamsetningin er óvenjuleg, og gefst ekki alloft tækifæri til að heyra samspil þessara fjögurra hljóðfæra. Í tónverkunum njóta raddir hljóðfæranna sín sérlega vel og gefst hér því kjörið tækifæri að heyra tónlist sem ekki er á boðstólum dag hvern,“ segir í tilkynningu frá Sumartónleikum.
- Tónleikarnir hefjast klukkan 17.00 sem fyrr segir. Aðgangur er ókeypis en tekið á er móti frjálsum framlögum.
Menningarsjóður Akureyrarbæjar, sóknarnefnd Akureyrarkirkju og Hérðassjóður Eyjafjarðar- og Þingeyjarprófastsdæmis styrkja tónleikaröðina.
