Mannlíf
Sandra María valin í landsliðið á ný
24.03.2023 kl. 13:30
Sandra María Jessen, fyrirliði Þórs/KA, til hægri, og Arna Sif Ásgrímsdóttir, fyrrverandi fyrirliði Akureyrarliðsins, sem nú leikur með Val, eru báðar í landsliðshópnum. Ljósmynd: Skapti Hallgrímsson
Sandra María Jessen, fyrirliði Þórs/KA, var í morgun valin í landsliðshópinn í knattspyrnu fyrir tvo vináttuleiki í næsta mánuði. Valið kemur ekki á óvart því framherjinn hefur farið mikinn í leikjum vetrarins.
Ísland mætir Nýja-Sjálandi 7. apríl í Antalya í Tyrklandi og Sviss 11. apríl í Zürich í Sviss.
Sandra María á að baki 31 landsleik og hefur gert sex mörk. Annar Akureyringur, Arna Sif Ásgrímsdóttir, sem nú leikur með Val, er einnig í landsliðshópnum sem Þorsteinn Halldórsson tilkynnti í morgun.
Smellið hér til að sjá landsliðshópinn
