KA vann Þór, bæði enn í mikilli hættu – MYNDIR
KA sigraði Þór 3:0 á heimavelli á laugardagskvöldið í þriðja og síðasta bæjarslag ársins í Bestu deildinni, efstu deild Íslandsmótsins í knattspyrnu. Liðin eru bæði í harðri fallbaráttu en staða KA vænkaðist vitaskuld við að þrjú stig bættust í sarpinn; Akureyrarfélögin höfðu sætaskipti, KA fór upp í þriðja neðsta sæti en Þór niður í það næst neðsta, efra fallsætið. Tvö neðstu falla.
- Ármann Hinrik og Skapti Hallgrímsson voru vopnaðir myndavélum á leiknum og meðfylgjandi eru 159 mynda syrpa frá þeim.
Tvær umferðir af fimm í keppni neðri sex liðanna eru að baki og þrjár eftir. Spennan er mikil en nú verður gert hlé á mótinu vegna landsleikjatarnar; keppni hefst ekki á ný fyrr en eftir tæpar þrjár vikur, laugardaginn 10. október. KA mætir þá Stjörnunni á útivelli en Þór tekur á móti ÍBV.
Valur og Stjarnan eru ekki í fallhættu, hafa bæði 31 stig. FH hefur verið á góðu skriði undanfarið og er komið með 27 stig, KA er með 23, Þór 21 og ÍBV 19.
- Umfjöllun akureyri.net um leik Akureyrarliðanna á laugardagskvöldið:
KA vann bæjarslaginn og sendi Þór í fallsæti
Sigurinn gefur okkur sjálfstraust og meiri ró
