Íþróttir
Þór/KA með útileik gegn Val
06.06.2023 kl. 17:40
![](/static/news/lg/1686073741_thtr11654.jpg)
Þór/KA-stelpurnar fagna marki gegn Blikum í Boganum. Í dag mæta þær Val á útivelli. Mynd: Þórir Tryggvason
Sjöunda umferð Bestu deildar kvenna hefst í dag með fjórum leikjum. Stelpurnar okkar í Þór/KA heimsækja Íslandsmeistara Vals að Hlíðarenda.
Þessi lið mættust í riðlakeppni Lengjubikarsins í Boganum í vetur og þá hafði Þór/KA betur í fjörugum leik. Liðin unnu hvort sinn leikinn í Bestu deildinni í fyrra. Þór/KA vann fyrri leikinn sem fram fór í Boganum, 2-1, en Valur vann sinn heimaleik, 3-0.
Valur er í efsta sæti Bestu deildarinnar eftir sex umferðir með 13 stig, en Þór/KA er í 5. sæti deildarinnar með níu stig. Leikur liðanna hefst kl. 19:15 og verður í beinni útsendingu á Stöð 2. sport.