Þór tapaði fyrir ÍA og er í mikilli fallhættu
Þórsarar töpuðu 3:2 fyrir Akurnesingum á heimavelli í dag í Lengjudeildinni í knattspyrnu, næst efstu deild Íslandsmótsins. Skagamenn eru þar með komnir á toppinn en lið Þórs er í mikilli fallhættu. Tvær umferðir eru eftir af deildinni.
Skagamenn komust í 2:0 snemma leiks en Bjarni Guðjón Brynjólfsson minnkaði muninn fyrir hlé.
Umdeilt atvik varð á 57. mínútu. Þórsarar vildu fá vítaspyrnu – og var sú krafa mjög skiljanleg. Boltinn var sendur inn á vítateig og markvörður ÍA, Árni Marinó Einarsson stökk harkalega á Alexander Má Þorláksson aftan frá. Dómararnir virðast ekki hafa séð atvikið nægjanlega vel og Akurnesingar sluppu því með skrekkinn. Hornspyrna var niðurstaðan.
Árni Marinó Einarsson lítur í átt til dómarans eftir að hann braut á Alexander Má í vítateignum. Honum var án efa létt þegar dæmd var hornspyrna en ekki víti. Ljósmynd: Hallgrímsson
Fáeinum mínútum fyrir leikslok komust Skagamenn í 3:1 en Nikola Kristinn Stojanovic minnkaði muninn með marki beint úr aukaspyrnu. Það reyndist síðasta spyrna leiksins.
Staða neðstu liða í deildinni er þessi:
- Grindavík 20 leikir – 25 stig
- Þór 20 leikir – 24 stig
- Þróttur 20 leikir – 23 stig
- Grótta 20 leikir – 23 stig
- Njarðvík 19 leikir – 23 stig
- Selfoss 20 leikir – 23 stig
- Ægir 20 leikir – 9 stig
Ægir er löngu fallinn. Þetta eru leikir hinna liðanna sem enn eru í fallhættu:
- Grindavík – Selfoss
- Þór - Grindavík
_ _ _ - Grótta – Þór
- Þór – Grindavík
_ _ _ - Vestri – Þróttur
- Þróttur – Afturelding
_ _ _ - Grótta – Þór
- ÍA – Grótta
_ _ _ - Njarðvík – ÍA
- Fjölnir – Njarðvík
_ _ _ - Grindavík – Selfoss
- Selfoss – Vestri
Smellið hér til að sjá leikskýrsluna á vef KSÍ
Meira síðar
