Tap fyrir ÍBV og fall blasir við KA/Þór
![](/static/news/lg/1709928989_1699721917_kathor-valur_0g7a5698.jpg)
Útlitið dökknaði enn hjá kvennaliði KA/Þórs í handbolta þegar ÍBV kom í heimsókn í KA-heimilið í dag og hélt á brott með bæði stigin sem í boði voru. ÍBV sigraði örugglega, 27:18, og því miður virðist ekkert geta komið í veg fyrir að Stelpurnar okkar falli úr efstu deild Íslandsmótsins.
Leikurinn í dag var tólta tap KA/Þórs í röð. Liðið er í neðsta sæti deildarinnar þegar tveir leikir eru eftir og verður að vinna þá báða til að halda sætinu; heima gegn Aftureldingu, sem er þremur stigum fyrir ofan KA/Þór, og síðan Fram á útivelli í síðustu umferðinni.
ÍBV tók snemma forystuna í dag, jók hana hægt og örugglega og sigurinn var mjög öruggur eins og tölurnar gefa til kynna. Staðan í hállfeik var 15:9.
Matea Lonac var besti leikmaður KA/Þórs í dag, varði 13 skot (38,2%) skv. tölfræði HB Statz.
Smellið hér til að sjá leikskýrsluna