Íþróttir
Bikarinn: KA heima gegn ÍR, Þór úti gegn Gróttu
15.04.2024 kl. 15:00
![](/static/news/lg/ivar-orn-birkir-heimis.jpg)
KA-maðurinn Ívar Örn Árnason og Þórsarinn Birkir Heimisson. Myndir: Þórir Ó. Tryggvason og Skapti Hallgrímsson
KA mætir ÍR á heimavelli í 32 liða úrslitum bikarkeppninnar í knattspyrnu, Mjólkurbikarkeppninnar, en Þórsarar leika við Gróttu á Seltjarnarnesi. Dregið var í dag.
Báðir leikirnir fara fram í næstu viku, fimmtudaginn 25. apríl, sem er sumardagurinn fyrsti.
- 15.00, KA - ÍR á Greifavelli KA
- 16.00, Grótta - Þór á Vivaldivellinum á Seltjarnarnesi
Þór, Grótta og ÍR leika öll í næst efstu deild Íslandsmótsins í sumar, Lengjudeildinni, en KA í Bestu deildinni. Liðin í efstu deild mæta nú til leiks, í 3. umferð keppninnar, en Lengjudeildarliðin tóku þátt í 2. umferð. Úrslit urðu þessi:
- Þór - KFA 5:1
- KV - ÍR 1:7
- Grótta - Njarðvík 3:2
Stórleikur 32 liða úrslitanna í ár verður viðureign Vals og FH. Það er eini leikurinn þar sem lið úr Bestu deildinni mætast.
Smellið hér til að sjá allan dráttinn