Akureyrarmótið í golfi að baki – MYNDIR

Akureyrarmótið í golfi fór fram frá miðvikudegi til laugardags eins og varla hefur farið framhjá lesendum Akureyri.net. 

Lilja Maren Jónsdóttir og Víðir Steinar Tómasson urðu Akureyrarmeistarar í meistaraflokkum; Lilja, sem er aðeins 16 ára, byrjaði vel og var í fyrsta sæti allt mótið en Víðir Steinar náði hins vegar ekki forystu fyrr en tvær holur voru eftir af mótinu – á 16. holu.

Þetta er fyrsti Akureyrarmeistaratitill Lilju Marenar en Víðir Steinar fagnaði sigri í annað sinn; hann varð einnig Akureyrarmeistari 2016.