Sverrir Páll

Ólafur og Rakel unnu Þorvaldsdalsskokkið

Skapti Hallgrímsson skrifar 10. júlí 2026 | kl. 17:00

Sigurvegarar Þorvaldsdalsskokksins, Ólafur Ingi Sigurðsson (sem hljóp á 2 klst, 21,49 mín.) og Rakel Friðriksdóttir (03:24:10).

Ólafur Ingi Sigurðsson kom fyrstur í mark í Þorvaldsdalsskokkinu sem fram fór í 33. sinn laugardaginn 4. júlí, en fyrst kvenna var Rakel Friðriksdóttir. Vegalengd Þorvaldsdalsskokksins er u.þ.b. 24 km en þar sem leiðaval hlaupara er frjálst getur munað nokkru á heildarvegalengd einstakra hlaupara.

Aðstæður voru góðar, sól og blíða, að því er segir í tilkynningu frá UMSE. Hlaupið hófst við Dagverðartungu kl. 12:00 og fóru 14 hlauparar af stað. Öll úrslit í hlaupinu eru aðgengileg á timataka.net – https://timataka.net/thorvaldsdalsskokkid2026/þþ

Verðlaunahafar í karlaflokki, frá vinstri: Guðmundur Lúther Hallgrímsson sem varð í 3. sæti (2:22:40), sigurvegarinn Ólafur Ingi Sigurðsson (2:21:49) og Ari Björn Jónsson sem lenti 2. sæti (2:22:28).